CU AVI SCANTU DI 'STI TEMPI?

Cu avi scantu? Tutti di 'sti tempi si scantanu,
si scantanu i vecchi,
scantu di essiri mbrugghiati,
vastunati,rapinati,
e pirchì?Pi pocu1,
da malandrini e da malacriati.
Hannu scantu i picciriddi
di essiri abbrancati
cu a prumissa
di darici cosi beddi
e inveci li pigghianu
pi fari cosi lurdi
e po' macari l'ammazzanu.
Si scantanu i picciotti
ca senza sapirilu,
frequentannu i malcunnuti
e i mangiapani a tradimentu
si drogano facinnu mali
a iddi stissi e all'autri.
Si scantanu i famigghi
ca sicuri cchiù nun si sentinu
intra la so casa
ne di jornu e ne di notti
Di malacreanza,viulenza
droga e morti
di 'sti tempi sulu si parra.
Unni va l'omu
si chiddi ideali in cui si cridia
nun tornano cchiù?
Unni va l'omu
si,cumu dissi lu filosufu
continua a essiri
lupu all'antru omo?
                                  
                              Gaetano Leonardo


Tratta dalla"Raccolta di poesie del quindicesimo anno di attività"
Questa raccolta ,come le precedenti,è stata curata dal Centro Culturale Valtorbella presso il quale è attivo "L'Angolo della Poesia e della Musica".Da ben 17 anni un gruppo di persone si riunisce periodicamente
e,chiacchierando e socializzando danno vita a racconti e poesie.